به‌ پێی  هه‌واڵێک که‌ به‌ "نه‌ڵۆس" گه‌یشتووه‌،   یه‌کێک له‌ دانیشتوانیشاروچکه‌ی " نه‌ڵۆس'  به‌ ناوی کاک مه‌حمودی سۆهرابی " mahmud sohrabi " که‌ به‌ یه‌کێک له‌  لایه‌نگرانی حیزبی و که‌سایه‌تی‌یه‌کانی  خۆشناوی ناوچه‌ی شنۆو ده‌وروبه‌ر به‌ حیساب دێت،  له‌ ئه‌سه‌ر فشارو زه‌خت و زۆری‌یه‌کانی رێژیمی کۆنه‌په‌ره‌ستی کۆماری ئیسلامی  ئێران دا ئاواره‌ی هه‌نده‌ران  بووه‌.
  به‌ پێی هه‌مان سه‌رچاوه‌ی هه‌واڵ کاک مه‌حمودی سۆهرابی یه‌کێک ‌له‌ خه‌باتکارانی  رێگای ئازادی و دانیشتوانی شاره‌دێی" نه‌ڵۆس" ‌ که‌ هه‌موو ته‌مه‌ن و ژیانی خۆی له‌ رێگای به‌ڕێوه‌بردنی خه‌بات و تێکۆشانی نهێنی؛  له‌ پێناو رزگاری نه‌ته‌وه‌که‌ی دا به‌سه‌ر بردووه‌؛  یه‌کێک له‌ هاوڕێ‌ و هاوکاران و نزیکانی  شه‌هیدانی" نه‌ڵۆس" کاک سه‌لاحی سوله‌یمانی و کاک  مه‌حمودی ره‌حمه‌تپوور و... بووه‌ و هه‌روه‌ها ئه‌و تێکۆشه‌ره‌ی دێمۆکرات له‌ ناوچه‌ی نه‌ڵۆس و شاری شنۆ و شاری ورمێ و ده‌وروبه‌ری تێکۆشانی هه‌بووه‌ و  له‌و پێوه‌ندی‌یه‌ دا ناوبراو رووبه‌رووی  زه‌خت و زۆری و زیندان بۆته‌وه‌.
  ئه‌و رێبواره‌ی رێگای ئازادی و له‌ دایک بووی 'نه‌ڵۆس" بۆ ئه‌وه‌ی نه‌که‌وێته‌ ده‌ست هێزه‌کانی رێژیم و له‌ مه‌ترسی مه‌رگ یا زیندانی تا  هه‌تایی خۆی رزگار بکات، به‌ ناچاری بریاری دوور که‌وتنه‌وه‌‌ له‌ ئازیزانی ده‌داو خاک و نیشتیمان به‌ جێ دێڵێ و ژیانی سه‌ختی  ئاواره‌یی  هه‌ڵده‌بژێرێ.  
  به‌ڵێ، ‌ کاک مه‌حمودی سۆهرابی " mahmud sohrabi " ‌ یه‌کێک له‌ چالاکان و تێکۆشه‌رانی ناوخۆی بزوتنه‌وه‌ی رزگاریخوازانه‌ی نه‌ته‌وه‌که‌مان  ، له‌ رێگای ده‌زگای ئیتلاعاتی و  ده‌ست و پێوه‌ندی‌یه‌کانی رێژیمی دژی گه‌لی کۆماری ئیسلامی ئێرانه‌وه‌ ئاشکرا و په‌ریوه‌ی هه‌نده‌ران بووه‌.
   ماڵپه‌ڕی نه‌ڵۆس هه‌وڵ ده‌دا له‌ داهاتوو دا  وه‌دوای پێو شوێنی ئه‌و خه‌باتکاره‌ی گه‌له‌که‌مان بکه‌وێ و ئه‌گه‌ر هه‌ر هه‌واڵێک و زانیاری‌یه‌کی له‌سه‌ر به‌رێزیان ده‌ست بکه‌وێ به‌ دڵنیایی‌یه‌وه‌ بڵاوی ده‌کاته‌وه‌.