ماڵێ   به‌سته‌ر   په‌یوه‌ندی   ئه‌رشیف   په‌رگه‌کانی "نه‌ڵۆس"
پێرستی سه‌ره‌کی
چوونه‌ژووره‌وه‌

په‌خشی راسته‌وخۆی تیڤی‌یه‌کان
دوو دیمەن لە ژیانی مرۆڤێک دەمهەژێنێ
 گــه‌رووم  پڕقڵپی  گریان و پڕ پڕ  لە  هه‌نیسک و ژانـــــــه‌
ده‌روونم کـــڵپه‌ی‌  ئاگـــرو  جه‌رگ  و  هه‌ناوم    بریانــــه‌
پیرۆزبێ نەورۆز جێژنی یەکگرتن و بەرخووەدان.
 لە باکوور هەر رۆژەی لەیلا زانایەک لە دایک دەبێ. دوێنێ لەیلا زانا رچەی ئازایەتی دەشکاند و ئەمرۆش "دەمیرتاش و کشاناک"ەکان هەموو بەربەستەکان  تێکدەشکێنن و دەڵێن دەوڵەت  ناتوانێ پێشیان پێ بگرێ.  بەڵێ دەمیرتاش لەگەڵ هاوڕێکانی دا بەربەستەکانی پۆلیسیان تێکشکاند و بەرەو گۆڕەپانی نەورۆز چوون. گەورەیی هێزی گەل لێرەدایە کە ئەگەر بخرۆشێ سۆنامی‌یە و هیچ بەربەستێک ناتوانێ پێشی پێ بگرێ. بەشداری میلیۆنی خەڵک لە جێژنی نەورۆزی ئامەد زۆر دەرس و وانەی گرینگی تێدایە کە سیاسەتوانانی کورد دەتوانن لە درێژەی کارو تێکۆشانیاندا لەسەری راوەستن و کاری لەسەر بکەن. پیرۆزبێ  نەورۆز جێژنی یەکگرتن و بەرخووەدان.
شاری بەهاری سوور
سوله‌یمان نه‌ڵۆسیلە بیرەوەری نەورۆزی ١٣٥٨ دا پێشکەش بە خەڵکی خۆڕاگری شاری سنە" شاری بەهاری سوور"

لەبیر تانە؟
بەهاری سوورتان لەبیرە؟
لەنێو جەرگەی شاری سنە
رووباری خوێن وەڕێ خرا؟
تەرمی لە خوێن دا شەڵاڵی
دەیان لاومان بۆ گۆڕستان بەڕێ کرا
هەناو سووتا، جەرگ بڕا.
ئاوڕدانەوەیەک لە خۆم:: سولەیمان نەڵۆسی
شەرت نییە ئەگەر مرۆڤ بیهەوێ ئاوڕێک لە خۆی بداتەوە، ئەوە دەبێ حەتمەن لەو رۆژەوە دەست پێبکا کە چۆن دایکی لە مەمکێی کردۆتەوە و تا پێی هەڵگرتووە بیبژێرێ کە چەند جاران بەربۆتەوە؛ بەڵکوو دەکرێ مرۆڤ راست لەو شوێنەوە دەست پێبکا کە ئامانجییەتی. بۆیە منیش راست لە قۆناغێکی ژیانمەوە دەست پێدەکەم کە حەز دەکەم لێی بدوێم و زەقیی بکەمەوە. دیارە  ئەوە هەر "من" یم  کە باسی زەقکردنەوە دەکەم. پێش "من"یش  هێندێک ماڵپەڕ ئەو رچەیەیان شکاندووە و "مێش"یان کردۆتە "گامێش" و تەقریبەن لە هیچ دواون.   
تەع تەع پەع پەع لەم دونیایە!
سوله‌یمان نه‌ڵۆسی

جاران    نان  هی نانەوا  بوو
گۆشتیش خاوەنی قەساب  بوو
ئێستا معیار  دەست  و   بردە
بێ سەواد   بوونەتە   نووسەر
رۆژنامەوان   بە     سەرکردە.

گەلێکم زەمی ئاخووند کرد؛ با کەمێکیش وەسفی بکەم! بە بیانووی زیقەو هاواری ئۆپۆزیسیۆن و هەڵبژاردنەوە
سوله‌یمان نه‌ڵۆسی
زۆر بە دژی ئاخووند دەمنووسی،  لە سیاسەت دا بە فێڵباز و  بێ پرینسیپ وەسفم دەکردن. لە  چەواشەکاریشدا بە تاقانە.  لە ریاکاری و دوو روویدا هەر خۆیانم بە قارەمان  پێناسە دەکرد و  لەم گۆرەپانەدا بە بێ ئاڵتێرناتیڤم دەزانین .  بەڵام ئێستا وانیم، نەزەرم  بەتەواوی گۆڕاوە،  شتێکی زۆر سەیر و عەجایبیش نییە  کە مرۆڤ ئاڵ و گۆڕ بەسەر بیرو بۆچوونەکانی  دابێ، بەخۆیدا بچێتەوە و لەگەڵ  واقیعیەت و راستیدا خۆی بگونجێنێ!  منیش خۆم بە مرۆڤ دەزانم و شیاوی گۆڕان.  ئەوە نییە شێخی سەنعانیش بۆ کچی کافر لە ئیسلام وەرگەڕا! ئەوەنییە مرۆڤە  'دوگم' و چەق بەستووەکان رەخنەیان لەسەرە؟
سه‌رچاوه‌کانی وزه‌, (1) تاک، (2) جەماوەر
جۆرناڵ
به‌رامبه‌ر به‌ پله‌وپایه‌خوازی و زۆره‌ملێ و ڕقوکینه‌ی سۆسیالیزمی ده‌سه‌ڵاتگه‌را، مرۆی ئازادیخواز -ئه‌نارکی- پێشنیاری دوو سه‌رچاوه‌ی وزەی شۆڕشگێڕ ده‌کات تاك و خۆخۆیی جه‌ماوه‌ر،ئه‌وه‌ش به‌پێی حاڵه‌ته‌کان ده‌گۆڕێت، ئایا ئازادیخواز تاکڕه‌وخوازتره؟ یان کۆمه‌کخوازتر؟ - أغستن هلمون-له‌ گه‌ڕان و ڕاپرسییه‌که‌وه‌، گه‌یشتۆته‌ ئه‌و ئه‌نجامه،‌ که‌ ناتوانین ئه‌وه‌ بهێنیینه‌ پێش چاومان، که‌ ئازادیخوازێکی کۆمه‌کخواز هه‌بێت ته‌واو داماڵراو بێت له‌ تاکڕه‌وخوازی.
دۆخی ئافره‌ت له‌ ئێرانی ئیسلامی دا
جۆرناڵ

خوێنه‌ری به‌ڕێز ! به‌بێ هیچ ده‌ستکارییه‌ک، ئه‌م ڕاگه‌یاندنه‌ی خواره‌وه‌ی کۆماری ئیسلامی ئێران بڵاوده‌که‌مه‌وه. هه‌روه‌کوو ئێوه‌ی به‌ڕێز‌ ئاگادارن، به‌ گوێره‌ی یاسای کۆماری ئیسلامی دوو ئافره‌ت به‌ پیاوێک ده‌ژمێردرێت. ئه‌گه‌ر ئافره‌تێک، پیاوێک بکوژێ ، ده‌بێ یاسای قساسی له‌سه‌ر به‌ڕێوه‌بچێت و بکوژرێته‌وه‌، به‌ڵام به‌ پێچه‌وانه‌وه‌ پیاو له‌ به‌رامبه‌ر کوشتنی ئافره‌تێکدا قساس ناکرێت و ده‌بێ دوو ئافره‌ت بکوژێت که‌ یاسای قساس بیگرێته‌وه‌.

دوای شەش ساڵێک لاساری، تازە لەخۆیان دەپرسن لە پێناوی چی دا حدکایان"لەتکرد"؟
سوله‌یمان نه‌ڵۆسی
لە روانگەی منەوە   مرۆڤی سیاسی  دەبێ دەنگی نارەزایەتی خەڵک وەک سیگناڵێکی خەتەر وەربگرێ و پاشان کاری لەسەر بکا و بە سیاسەت و هەڵوێستەکانیدا بچێتەوە.   مرۆڤی   سیاسی نابێ ‌ کەللە رەق بێ و  سیگناڵەکان گوێ لبگرێ بەڵام وەریان نەگرێ.  مارکس دەڵێ " لە هەر وڵاتێکدا دوو حیزبی کۆمۆنیست هەبێ یەکیان دەستکردە" دوکتۆر قاسملووش کە خاوەنی کۆمەڵێک شاکار و داهێنانە دەڵێ " ..... حیزبی دێمۆکرات یەکە و نابێ بە دوو" بەڵام ئەوانەی کە  حدکایان" لەتکرد و کردیان بە دوو"  نەک هەر گوێیان لە رەخنە و گلە و گازندەی خەڵک نەگرت بەڵکوو لەسەر سیاسەت و هەڵوێستی خۆیان هەر سوور و سوورتر بوون.  بەجۆرێک کە جیابوونەوە لە حدکایان بە شۆڕشێک پێناسە دەکرد.   
کۆمەڵێک ئەندامی"حدک"ماڵپەری رۆژهەڵات تایمز بە سەرچاوەی هەواڵی سایت‌و بوڵتونەکانی ڕێژیم وەسف دەکەن
 کۆمەڵێک لە کادر و ئەندامانی "حدک"   لە نامەیەکی نارەزایەتیدا کە  ئاراستەی بەڕێز مامۆستا مەلا عەبدوڵا حسن زادە ی دەکەن هەڵوێستە لەسەر کۆمەڵێک خالی گرینک دەکەن کە حیزبەکەیان بە دەستی‌یەوە دەناڵێنێ. لەو نامەیەدا کە خۆرنیوز بڵاوی کردۆتەوە هاتووە کە ماڵپەری رۆژهەڵات تامیز " ...  بۆتە سەرچاوەی هەواڵی سایت‌و بوڵتونەکانی رژیم‌؟
گوڵدانەكەی سەر گۆڕی قاسملوو
كە لەگەڵ كاڵێی هاوسەرم یەكەم هەنگاومان هەڵێنا بۆ ناو گۆڕستانەكە، هەستێكی سەیر دایگرتم. من ساڵانێكی زۆرە هیچ گۆڕستانێكم نەبینیوە. لەبەرئەوەی بەهۆی شەڕی نەگریسی ناوخۆوە نەمتوانی لە باشووری كوردستان سەردانی گۆڕی دایكم بكەم، بۆیە لە هەموو شوێنێك خۆم لە چوونە گۆڕستان دەبوێرم.
"مــــــــــــــــــــــــــــــــــــن" وەک "ئــــەو" نــــــــــــــــــــــــــیم!
سوله‌یمان نه‌ڵۆسی
ئیدی ئەو دەورانە بەسەر چوو ئەگەر پاکەتێک سیگارم هەبوایە وام دەزانی "قەرە تاژدین"م . ئێرە شاخ نییە و شارە. باسی قوومێک ئاوی خۆڕایی بکەی رێی رۆژێکت ڕەپێ دەنێن. لە پێشمەرگایەتی دا هەلێکم لە کیس چوو. ئەویش جوان فێرنەبوونی کرمانجی سەروو  بوو. ئەگەر جوان فێری بوومایە ئێستا دەمتوانی لە پەناکاری تەواو وەخت دا بە هاسانی چیرۆکی مناڵانە لە کرمانجی سەروو را وەڕگێڕمە سەر کرمانجی خواروو. لانیکەمی قازانج و بەرهەمی ئەو کارە ئەوە دەبوو کە وەک کابرا خۆم لە باسی "پێغەمبەران" ببوێرم.
هۆنراوەیەکی حەزرەتی نالی
 لــــــــه‌ دڵدا ئاته‌شى  عيشقت  بلێسه‌ى  ميسلى     ته‌ندوره
 شـه‌تى ئه‌شكم نه‌بێ  مانيــع،  ده‌سوتێم ده‌بمه‌ كۆى   نووره‌

به‌ نـارى عيشق و ئاوى دڵ, جه‌سه‌د وه‌ك  حه‌زره‌تى موسا
ته‌ريقی: به‌حــــــــرى فيرعه‌ون و,  ڕه‌فيقى ئاته‌شى   تووره‌

ڤیتۆکەی چین و رووسییە خەڵکی جیهانی سەرسام کرد
رۆژی شەممەی رابردوو ڕێکەوتی 04 02 2012 ی زایینی رۆژێکی ئاسایی نەبوو. لەو رۆژەدا نوێنەرانی دوو وڵاتی چین و روسییە لە کۆبوونەوەی ئەنجومەنی ئاسایشی ڕێکخراوی نەتەوەیەکگرتووەکاندا لەبەر چاوی هەمووی جیهان بە نیشانەی نا دەستیان بەرزکردەوە و بڕیارنامەی ئەنجوومەنی ئاسایشی ڕێکخراوی نەتەوەیەکگرتووەکانیان ڤیتۆ کرد و بەم هەڵوێستەیان تەواوی ئازادیخوازان و لایەنگرانی مافی مرۆڤیان سەرسام کرد.
سزا دان یا کۆتایی هێنان بە ئاژاوەگێڕی؟
 پێش بڵاو بوونەوەی نامەی داوای لێبووردنی ئەو بەرپرسەی "حدک" لە ئەمریکایە"من" ئەوم  بە  یەکێک لە راستگۆترین و بەشەهامەترین گیانلەبەرێکی نێو ئەو تاقمە دەزانی   کە تا ئێستا توانیوێتی بە راشکاوی‌یەوە   ئەوەی چەند وەخت لە دڵیدا رایگرتبوو، بەیانی بکا. چونکە  هێندێک لە قسەکانی ئەو کە پێوەندی بە مێژووی حیزبی دێمۆکراتەوە هەیە قسەی دڵی کۆمەڵێک لە سەرانی "حدک"ن و هەر بەتەنیا خۆی داهێنەریان نییە. ئەگەر کەمێک لە شێوەی بەیانی هێندێک لە ئەندامان و لایەنگرانی "حدک" ورد بینەوە دەبینین کە ئەوان ١٨ ساڵ  ڕێبەریی نەمر د. قاسملوو لە حیزبی دێمۆکرات دا بە مێژووی خۆیان واتە "حدک" نازانن. بەڵگەش گەرانەوەیان بۆ دواوە و لابردنی پاشگری" ئێران" لە ناوی حدکایە.
ئەو کابرایە ماوەی حه‌فتا ساڵەو هه‌موو حەوتوو‌یه‌ك دەسكێك گوڵ پێشكه‌شی ژنه‌كه‌ی‌ ده‌كات
 ئەو کابرایە کە تەمەنی 89 ساڵە  ماوەی حه‌فتا ساڵەو  هه‌موو حەوتوو‌یه‌ك دەسكێك گوڵ پێشكه‌شی  ژنه‌كه‌ی‌ ده‌كات. رۆژنامه‌ی‌' سه‌نده‌ی میرور" بڵاوی کردەوە کە (جاك) له‌ساڵی‌ 1942وە  تائێستا 3000 دەسكه‌ گوڵی‌ پێشكه‌شی ژنه‌كه‌ی‌ ‌ (میلی‌) کردووە. ئەوان کە  له‌م ڕۆژانه‌دا یادی 70 ساڵه‌ی‌ هاوسه‌رییان دەکردەوە باسیان لە رازی  ئەو گوڵ پێشکەش کردنە دەکرد کە  توانیوێتی بەدرێژایی  ئه‌و  ماوە درێژەی ژیانی هاوسەرێتیان دڵخۆشیان بکات.
چوکە کردنەوەی فیدرالیزم
سوله‌یمان نه‌ڵۆسی
لە گەڵ هاوڕێ‌یەکدا باسی "فیدرالیزم"مان دەکرد. ئەو زۆر بە کورتی مانای فیدرالیزمی دەویست. پێم کوت ئەمن وەک شارەزایانی جوغرافیا فیدرالیزم وەک کورەی زەوی بەقەت سێو و هێلکە چوکە ناکەمەوە بەڵکوو بەقەت بنەماڵەیەک کە چوار برا لە خانوویەکدا کە هەموویان پێکەوە دەژین بەڵام هەرکەس خانووی تایبەت بەخۆی هەیە و حەوشەیەک کە تۆ نێوی بنێ دەستوور هەموویان پێکەوە گرێ دەدات، چوکە دەکەمەوە. پێکەنی و کوتی ئەدی کێ ئیدارەیان دەکا؟ منیش کوتم بۆخۆیان خۆیان ئیدارە دەکەن. دەفتەرێکی گەورەی لە ساکەکەیدا دەرهێناو کوتی ئەوە هەمووی باسی فیدرالیزمە! کوتم جا ئەوەندە چییە؟ باسی فیدرالیزم زۆر لەوە زیاتر هەڵدەگرێ کە تۆ نوسیوتەوە. هەر بەتەنیا باسی فیدرالیزم و دێمۆکراسی بەقەت نیوەی دەفتەرەکەی تۆ هەڵدەگرێ، ئەوجار تایبەتمەندی‌یەکانی فیدرالیزم و خودی شی کردنەوەی فیدرالیزم .... زۆر شتی دیکەش لەوێ راوەستن.
ئۆپۆزیسیۆنی بەرهەڵستکاری کۆماری ئیسلامی لە ستۆکهۆڵم کۆدەبنەوە
 بەپێی هەواڵێک کە لە  "سەنتەری ئولف پالمێ'دا بڵاو کراوەتەوە، رۆژانی چوار و پێنج(شەممە و یەکشەمەی"ی داهاتوو ڕێکەوتی " 04,05-02-2012"یزایینی  نوێنەرانی ئۆپۆزیسیۆن و چالاکانی تری نەیاری رێژیمی کۆماری ئیسلامی ئێران لە شاری ستۆکهۆڵم پێتەختی سوئێد لە ژێر دروشمی "اتحاد برای دموکراسی در ایران" کۆنفرانسێک دەبەستن.  ئامانج  لە پێکهێنانی ئەو کۆنفرانسە کە قەرارە نزیک بە پەنجا کەس لە نوێنەرانی پارت و رێکخراوەکان و چالاکانی بوارەکانی سیاسی و... بەشداری تێدا بکەن لێک تێگەیشتن و  هەماهەنگ کردنی کارو تێکۆشانی ئۆپۆزیسیۆنی نەیاری رێژیم لە تاراوگەیە.
       
سکرتێری گروپی کەرگەلی کوردستان داوای شوێنک بۆ کەرەکان دەکا
 ئەمرۆ " K.N.N" هەواڵی پێشانگایەکی گروپی "کەرگەلی کوردستان"ی بڵاو کردەوە کە بەلامەوە زۆر سەرنج راکێش بوو.  لە درێژەی هەواڵەکەدا هاتبوو کە بەڕێز"عومەر کڵۆڵ" سەرۆکی گروپی کەرگەلی کوردستان هاوکارییەکی  حوکومەتی هەرێم کە بڕی دوو میلیۆن دینار بوو رەتکردەوە و وەری نەگرت.  لە جێدا ئەو داوای پێدانی شوێنێک دەکا کە بتوانێ سەرجەم کەرەکانی لێ داڵدە بدات. 
قسەی خۆش

 رەنگە لە "عالەم"دا کەسێک دەست نەکەوێ کە رۆژێک لە رۆژان بە قسەیەکی خۆش پێ نەکەنیبێ یا چەند قسەیەکی خۆش نەزانێ؟ قسەی خۆش چەندە لە راستییەوە سەرچاوەی گرتووە یا چەندە راستی تێدایە بەلامەوە گرینگ نییە. بەڵکوو گرینگ ئەوەیە کام یەک لەو قسە خۆشانە زیاتر بزە دەخەنە سەر لێوت!

بەڕێوە چوونی جێژنی ٢ی ڕێبەندان لە ستۆکهۆڵم
 کۆماری کوردستان کە لە مێژوودا بە کۆماری مەهاباد ناسراوە، تەمەنی ١١ مانگ بوو. بەڵام لەو ماوەکەمەدا توانی گەلێک  دەستکەوتی مەزن تۆمار بکا کە ئێستا کوردان لە هەموو بەشەکانی کوردستان دا  شانازی‌یان پێوە دەکەن.  تازەترین بەڵگەی ئەو شانازی‌یەش لە جێژنی ٢ی ڕێبەندانی ئەوساڵ لە ستۆکهۆڵم دا بوو  کە خوشک و برایانی  کورد لە هەر چوار پارچەی کوردستان لە دەستی یەکدا هەڵپدەپەرین و یادی دامەزرانی ٦٦مین ساڵڕۆژی کۆماری کوردستانیان بە خۆشی و شادی  پیرۆز کرد.  
ژنی ”Isglassmördaren "ئەلاسکە کوژ"
 پێشتر زۆر هەواڵم سەبارەت بە دڕندەیی هێندێک لە پیاوان بەرامبەر بە ژنان خوێندبۆوە و بەلامەوە ئاسایی ببوو. مەسەلەن ئاسایی وەک ئەوە کە سەگ پەلاماری خەڵک بدا. بەڵام  ئەمرۆژانە هەواڵێکم لە یەکێک لە رۆژنامەکانی سوئێد سەبارەت بە ژنێکی تەمەن ٣٢ ساڵان خوێندەوە کە دوو هاوسەری خۆی بە بیانووی ئەوە کە  ئازاریان داوە دەکوژێ و جەستەیان لەت و پەت دەکا و لە نێو فریسێر دا دەیانشارێتەوە.  ئەو هەواڵەم وەک ئەوە نائاسایی هاتە بەرچاو کە کەسێک پەلاماری سەگێک بدات. 
هەواڵێک و ئاگادار‌کردنەوەیەکی حیزبی کەران
 بەڕێز حیزبی کەران!  سڵاوێکی گەرم!
بەڕێزان  ئێوە لەکوێن؟ بۆ بەهانای ئەم کەرە و هەزاران کەری دیکەوە نایەن کە رۆژانە لەژێر باری قورس و گراندا  دەکەون! جەستەیان  ئێش و ئازاری  پێدەگاو  تەنانەت زۆر جار بەهۆی باری قورسەوە یەکێک لە ئەندامانی لەشیشیان دەشکێ و دوای ئەوەی کەم ئەندام دەبن و تین و تاقەتی   هەڵگرتنی باری زۆر قورسیان یان نامێنێ  لە لایەن خاوەنەکانیانەوە بە سەرمای زستان و بە گەرمای هاوین بەرەڵا دەکرێن!
هەر کەسێک دەتوانێ سەرۆکایەتی لە "ئوباما" بباتەوە
سوله‌یمان نه‌ڵۆسی
وابریارە کە لە ڕێکەوتی ٦ی نۆڤێمبری ئەم ساڵدا هەڵبژاردنی سەرۆکایەتی لە ئەمریکا بەڕێوە بچێ. سەرۆک ئوباما رایگەیاندووە کە ئامادەیە جارێکی تر وەک کاندیدی دێمۆکراتەکان خۆی بپاڵێوێ. ئەگەر زۆر بە کورتی سەرنج بدەینە  هەڵبژاردنەکانی سەرۆکایەتی لە ئەمریکا دەبینین کە زۆربەی سەرۆکەکان توانیویانە بۆ دوو دەورە سەرۆکایەتی ئەمریکا بکەن. بەڵام لە روانگەی منەوە شانسی باراک ئوباما بۆ دووجار سەرۆکایەتی ئەمریکا زۆر لاوازە و هەرکەسێک دەتوانێ هەڵبژاردن لە ئوباما بباتەوە.
گوڵتان کشاناک لە نێو دڵی تورکدا تورکی ریسواو مەحکوم کرد
 کوژرانی ٣٥ کاسبکار لە شێرناخ بەدەستی هێزە دڕندەکانی تورک ویژدانی هەر مرۆڤێکی نیشتیمانپەروەر و لایەنگرانی مافی مرۆڤی هەژاند. بەڵام وتە مێژووی‌یەکەی "گوڵتان کشاناک"  لە پەرلەمانی تورکیە تا رادەیەک هەتوانی نایە سەر ئەو دلانەی کە بەم کارەساتە بریندار ببوون.      
په‌ڕه‌ی 4 له 33 < 1 2 3 4 5 6 7 > >>